Sandra Louise Larsen har alltid hatt ein draum om å starte for seg sjølv. Etter ferdig bachelorgrad i 2020 lanserte ho nettbutikken og smykkemerket Lourie. I denne videoen blir vi betre kjent med Sandra og smykkemerket hennar.
Lenke til videoI episode 2 av Heilt sjef! møter vi Jose Jorge Garcia Agis (32) som er viseadministrerande direktør i Ulstein International AS. Han synes det er viktig å arbeide med noko der ein lærer og utviklar seg - og ikkje minst har det gøy. Ulstein International er ein intern konsulent i Ulstein Group, og alle inntektene kjem frå andre selskap i Ulstein.
Lenke til videoAndreas Ose Østgaard driv ein antirust-verkstad, som også er godkjent som bliverkstad. Bedrifta har hatt stor vekst det siste året, og i denne videoen kan du sjå meir av kva dei driv med på Ørsta Antirust.
Lenke til videoSilje Mari Wammer er dagleg leiar i Kreativiteten og Ulstein Garn. Til saman er dei fire tilsette ved begge butikkane. Om ein skal drive eigen butikk må ein vere førebudd på mykje jobb, i fylgje Silje. Sjå meir om Silje og butikken hennar i videoen.
Lenke til videoMetizport vart starta opp av Arjan Dalsøren, og er Sunnmøres første e-sport klubb. I denne episoden av "Heilt sjef!" får vi vite meir om korleis Arjan driv Metizport.
Lenke til videoAtle Andreas Remmereit Vasbotn (33) og Chris-Håvard Berge (31) starta opp Oclin AS i 2016. Jobben deira går ut på å levere levande bilete, anten som filmproduksjon eller som streaming-produksjon. Videoen i saka viser noko av det dei driv med i Oclin, med god hjelp av klipp frå Oclin sine eigenproduserte vloggar.
Lenke til videoI denne episoden møter vi Tarjei Wingsternes (27) som har jobba på Kaffebaren i Ulsteinvik sidan 2008, med eit par avbrekk for studie i Oslo. No er han eigar og drivar av Kaffebaren, i tillegg til eigar av Brygga Sportsbar. Han er glad i å utfordre seg sjølv, og strekkjer seg gjerne etter nye mål. For å vere ein god leiar synest Wingsternes at ein må ta del i det same arbeidet som dei andre tilsette: "Vis at du kan stå på golvet, og gjere det dei andre gjer. Ikkje ver den gammaldagse typen som står og peikar. Du må få med deg folket - Det er viktig det."
Lenke til videoI denne episoden møter vi Herman Brune Leikanger (24) som er ungdomsarbeidar i Sande kommune. Herman starta arbeidet på den nyoppretta heiltidsstillinga i august 2022. Fram til no har han fått i gong fleire tilbod for ungdommen i Sande, til dømes var han med på å få i gong ungdomsklubben i "Kroa" på Larsnes. Brune Leikanger synes det er viktig å få samla ungdommen i Sande, og at ingen skal føle seg utanfor.
Lenke til videoI denne episoden møter vi Viktoria Sandvik (29) som er eigar og drivar av to blomsterbutikkar; Bellis Ulsteinvik og Floriss Hareid. Gjennom sitt arbeid som blomsterdekoratør får ho brukt kreativiteten sin til å hjelpe folk i sorg og glede. Som eigar og drivar ligg fokuset meir på rekneskap og bestilling av varer og blomster. Bli betre kjent med Viktoria i videoen.
Lenke til video