Iver Flo Volle har aldri opplevd å vere så nær ein hjortebukk før, men det gjorde han då han stod på post i skogen ved Festøya. Vindretninga var mot han, så Iver trur at det er derfor hjorten ikkje oppdaga at han stod berre fire meter vekk. – Alt i alt var det ei fantastisk oppleving, skriv han til SøreTV.
Fredag skulle fleire jagarfly flyge over blant anna Hareidlandet, men det vart ikkje noko av grunna vêret. Dei flaug derimot over Molde, og det fekk Frode Vestnes med seg. – Mange stod forventningsfullt og speida etter luftforsvaret si julehelsing frå oven med F-35 jagarfly, skriv han til SøreTV. Video og tekst i video: Frode Vestnes
Svein Eiksund filma ei ertekråke på tur med hunden Molly. Videoen er med i SøreTV-konkurransen der ein kan vinne 1 kg smågodt. Les meir om konkurransen i saka.
Det er første vinteren ute for Pusifer, katten til Ella Sigvertsen som sende inn videoen. Pusifer vart sitjande i treet i nærare 3 timar, i fylgje matmor.
